منتديات المكاشفي
مرحب بك في منتديات المكاشفي رضي الله عنه


اداره:راشد صديق
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
p align="center">

اعوذ بالله من الشيطان الرجيم {اَللَهُ لا إِلَهَ إلا هو اَلحي ُ القَيَوم لا تأخذه سِنَةٌ ولا نوْمٌ لَّهُ مَا فيِِ السَمَاوَاتِ وَمَا في اَلأَرْضِ مَن ذَا الَّذِي يَشفَعُ عِنْدَهُ إِلاَّ بِإِذْنِهِ يَعْلَمُ مَا بَينَ أَيدِيهِمْ ِوَمَا خَلْفَهم وَلا َيُحِيطُونَ بشَيءٍ مِنْ علمِهِ إِلاَ بِمَا شَآء وَسعَ كُرْسِيُّهُ السَمَاوَاتِ وَالأَرضِ وَلاَ يَؤُدُه حِفْظُهُمَا وَهُوَ العَليُّ العَظِيمُ}

بحـث
 
 

نتائج البحث
 
Rechercher بحث متقدم

شاطر | 
 

 كن انـــــــــــــــــــــت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رميسااءعبدالرحمن
المشــــــــــــــــــــــــرف
المشــــــــــــــــــــــــرف


عدد المساهمات : 63
تاريخ التسجيل : 03/06/2011
الموقع : ارض الله واسعه

مُساهمةموضوع: كن انـــــــــــــــــــــت   الثلاثاء يوليو 05, 2011 10:17 pm

كن أنت


بس قبل ما أدلي بأي تفاصيل عن العايزة أقولو عايزة أحكي حدوتة صغيرونة...
.
.
صَرختُ صَرخات عالية وسمعت زغرودة واحدة وثانية وثالثة ومن ثم سامع بتكلموا مع ابوي مبروك مبروك جابوا ليك مولود.
وطبعا أبوي فرح فرح شديد وهاك يا توزيع الحلاوة والبارد والمباركات والزغاريد ...
جا يوم السماية إسبوع كامل صابر والشمار قاتلني عايز أعرف حايسموني منو لغاااااااية ما جات واحدة من النسوان وسالت أمي أها سميتوه منو وأمي ردت سميناه "بخيت" على إسم جدو وفي هذه اللحظات ولأنو أنا طفل صغير ماقادر اتكلم ولأنو أنا أعلم تماما بأن روحي مرهفة الإحساس لم يعجبني الإسم بتاتاً والغريبة أكبر قرار وأول قرار في حياتك بياخدو غيرك لكن إستسلمت للأمر الواقع فقلت في نفسي ما حا أعترض بخيت بخيت ...

شوية شوية امي بتلعبني وترفعني فوووووق وتاخدني وتقول متين تشيل همي أنا ماعارف بيشيلوني الهم وانا عمري لا يتعدي كذا شهر ليه واول محاولاتي مع الحياة بإنو بمشي خطوتين على الأرض كنت بقع كتير بس المهم اخيرا بقيت امشي بس كنت مبسوط لأنوخالاتي وعماتي وحبوبتي بيحبوني شديد واكيد لأنو ما في زول قدري في العمر في العائلة وبيجيني إحساس زي وكأنو أنا ملك بعدها ماما بتربط لي في الكرفته وقالت لي ده لبس الروضة منها حسيت بالمسؤولية لحاجات كتيرة اهمها التزم بمواعيد زي مواعيد اللعب مممممم واهم حاجة الفطور بعد مادخلت اكتشفت في اولاد كتاااااار في عمري وإنو أنا مابراي في نونا وتوتة وشروفي وتينا وكووووولهم قدري وأهلهم برضو بيعاملوهم نفس المعاملة ومنها عرفت ما انا لوحدي عايش في العالم ده في ناس كتار ليهم مكانتهم برضو...

ومن بعيد تاااااااني سمعت صوت زغاريد المرة دي قالوا أنا إتخرجت من الروضة والعاجبني إخترت اغنية حلوة حقت
" ... الله على دعوتك يما" البقولوا فيها قابلت ناس خداعة وقابلت ناس بياعة اخترتها لانو كل يوم نونا بتخدعني وتدس مني الالعاب.

وفي يوم بعد الضهر شكلي كان غريب لانو سني اتكسر وأنا عايز ارميهو حبوبة قالت لي وإنت بترميه شيل معاه حبات رز وأرميه وقول " شيل سن الحمار وأديني سن الغزال"
وقتها كنت في تانية ابتدائي منها إكتشفت ما أي حاجة بتمناها الواحد دائما بلقاها أكتشفت الكلام ده من أسناني البتشبه اسنان الخروف.

وانا في سنة رابعة اخر اليوم الدراسي كنت مبسوط شديد لأنو سمعت قصة الغراب والثعلب عجبتني شدييييييد وعرفت إنو في حاجات ماممكن احصل عليها إلا بشوية ذكاء مشيت حكيت لي حبوبة بس حبوبة قالت كده غلط. أنا ما عارف هي قالت كده غلط لييييه يمكن لأنها طيبة لكن برضو الأستاذ طيب وبوريني حاجات ممكن تحصل انا مبسوط منه لأنو: أفرض لاقيت زول زي الثعلب أتصرف كيف؟!!
المهم اقتنعت بي كلام حبوبة دائما أكون اتجاه واحد وما افكر افكار سيئة ... وقبل ما احصل الثانوي ولأنو أنا كنت بحب البيانو شديد فزت في الدورة المدرسية بأحسن عازف وودونا بعثة لي دار الأوبرا المصرية كانت الدنيا كلها ما سايعاني.
لمن رجعت السودان وبعد فترة فجاة لقيت خالتو علوية بتغلف البيانو في كرتونة كبيرة ومودياهو على المخزن سالتها ليه بتقول لي العزف ضيع ليك وقتك وجدك عملت ليهو إزعاج ماقادر ينوم معاك من الطنين البتعمل فيهو كل يوم بالبيانو ده أنا ما بقدر أزعلها واستجبت لي كلامها فبقيت أقول ليها حاضر بس بحب المقطوعات الموسيقية شديد ونفسي ابقى موسيقار.
كبرت ومشيت العالي، المدرسة كانت بعيدة شديد بس البصبرني عليها بنت الجيران مدرستهم جنبنا وكانت عاجباني شديد بس ماقادر أتكلم معاها لأنو بتذكر كلام ماما بتقول لي الواحد يهتم بي دراسته عشان ينجح وما يشغل بالو با ي تفاصيل تانية وطلعه ومرقه وحركات وخليك ولد مهذب بس ماقدرت اصرح ليها بأي شئ لكن مبسوط لأنو عرفت إسمها وكان إسمها هناء أحلى حاجة فيها ضحكتها.
بس بالصدفة لقيت أحمد صاحبي أول الفصل شايل صورة هناء.

وبقول إنو بحبها إتصدمت صدمة شديدة طيب ليه ماما بتقول كلام غير الاحمد بتصرفوا وفي نفس الوقت احمد مهذب ...
طيب أحمد الناس بتحبوا شديد وفي نفس الوقت بيلاقي هناء عندها جاء في رأسي أسئلة كتيرة يمكن في وقتها الجواب للاسئلة دي بيكون منقذ من حاجات كتيرة بس المشكلة مادورت على اجوبة لأنو يمكن أنا ماقدرت أكسر كلام أمي وأبوي ..
المهم ... بس زعلت وركزت في دراستي. قبل صلاة العصر خالتو بتقول أسكتوا أسكتوا لأنو كانوا بيذيعوا في نتيجة الشهادة السودانية وكانت متوقعه يذيعوني مع أصحاب درجات القمة لكن فرحت با النسبة لأنو نسبتي كانت80 % فكنت مبسوط شديد بيها لكن هم عارفين قدر شنو انا بحب الموسيقى وأخبرتهم الرغبة الأولى لازم تكون موسيقى اليوم داك ما بنساه أبداً كلهم زعلوا مني شديد ...
كان لي حبوبة مقبلة على الحيطة تلاتة يوم عندها خلاص استسلمت للأمر الواقع لأنو أبوي قال لي نفسي أشوفك زي دكتور أمجد ده عندو دكتوراة في إدارة الأعمال ما كنت بحب لغة الأرقام بس إستجاب القدر ودخلت جامعة الخرطوم إدارة أعمال المهم هناك إتعرفت على بنت رائعة جداً والغريبة برررررضو كان إسمها هناء أصلا أنا زول "قدري".
ومابين المدرجات والمحاضرات والمراجع السنة خلصت بس ما كان بفرقنا إلا الإجازة بودعها وأنا على امل ألاقيها في العام الجديد وفي كل مرة كانت بتكبر وفي نفس الوقت بتحلو في عيني أكتر.
إتخرجنا ،،، ووعدتها أخطبها اول وقالت لي حا أقيف معاك لغاية ما الدنيا ترسى معانا على بر،
ولمن كلمت الوالدة كانت ردة فعلها هو متين إنت بقيت على العرس وقلت ليها بس يا أمي أخطبها لكن إتفاجأت لمن قالت لي بنت أختي فاطمة ما حلااااااته.
قعدت اشرح لي امي انو فاطمة بيئتها وتفكيرها بيختلفوا عني تماما بس في حاجات كتيرة أمي ماحتستوعبها وبين مصدق ومكضب لقيت في يدي حنة الغريبة طبقوها مرتين لمن بقت سوداااااااااا وفي اليوم التاني حكيت لي هناء الحصل وما قادر أوصف مدى حزنها والمرة دي ودعتها ويديني ذاااااااتهم حزينات ومزينات با الأسود وما بين الليل ليلة العديل والزين والحريرة والضريرة ومن أول يوم حسيت بإنو مافي أي نوع من التوافق بيناتنا ...
المهم وبعد مضي شهر على زواجنا مافي نقطة وسط نقدر ننطلق منها في مناقشة أي موضوع ...
زعلت زعل شديد وقررت أن أرجع لهناء لأنو لا يوجد أي نوع من التوافق بيني وبين هذه الفاطمة.... استغفر الله العظيم
وبعد فقررت أشكو لي حسين صاحبي من الإبتدائية لأنو هو فاهمني كوييييس وعارف قصصي كلها وفي الطريق لقيتو هو ذااااااتو جاي علي وقتها عرفت إنو هو ذااااااااتو عندو مشكلة رجعت البيت ولقيت فاطمة بتقول لي نفسي في سلطة فواكه بنكهة الـ ... وتكون مجمده أهاااااااااا ادركت تماماً أني إتدبست إدبست وسمعت نفس الصرخات الزماااااااااان الأطلقتها أنا وعمري ثواني
ونفس زغاريد خالتي لكن زغرودة عليها تجاعيد ياحليل زمن زغاريدك ياخالتي ومابين مصدق وفرحان شلت ولدي ومشيت بيهو بعييييييد وبديت اقرا في اذنه الآذان وبعديها همست في اذنه بكلمتين قلت ليه مامعروف

اعيش لمتين عايز اقول ليك كلمتين بس

أرسم اهدافك واضحة وخليك إنت إنت إياك تبقى هم ... وماتخاف ... لو حاولت حتصنع إنت مجدك والحاجة البتحبها دافع عنها وحلو الواحد ياخد قدوة في حياتو لكن الاحلى يكون قدوة لي غيرو ...


وتوتة توتة خلصت الحدوتة.

_________________
اللهم صلي علي سيدنا محمد صلاه تنجينا بها من جميع الاهوال والافات وتقضي لنا بها جميع الحاجات وتطهرنا بها من جميع السيئات وترفعنا بها اعلي الدرجات وتبلغنا بها اقصي الغايات من جميع الخيرات في الحياه وبعد الممات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كن انـــــــــــــــــــــت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات المكاشفي :: المنتدي العام-
انتقل الى: